"Ливерпуль" ёз давомида ўз таркибини, хусусан, ярим ҳимоясини янгилади. Жамоа айрим қадрдон футболчилар билан хайрлашган эди. Роберто Фирмино, Жеймс Милнер, Жордан Хендерсон ва Фабиньолар кетди. Улар ўрнига эса Алекс Макаллистер, Доминик Собослаи, Райан Гравенберх ҳамда Ватару Эндолар олинди. Раҳбарият Муҳаммад Салоҳни Саудияликлар "ҳамласи"дан зўрға тўсиб турибди. Юрген Клопп қўлида бор юлдузлар билан ўтган йилги бешинчи ўринни яхшилашга ҳаракат қилади. Бу иш аллақачон бошланган. Янги футболчилар билан ҳаммаси силлиқ кечишига кафолат йўқ, албатта. Аммо раҳбарият уларга катта маош тўламоқда. Хўш, ҳозирги янги кўринишдаги "Ливерпуль" таркиби қанча маош олади?
Маълумотларга қараганда, мерсисайдликлар молиясидан ҳар йили қарийб 135 миллион фунт айнан футболчилар маоши учун ажратилади. Бу дегани ҳар ҳафта 2 миллион 595 минг фунт маблағ сарфланмоқда. Хўш, бу пулларнинг ҳаммаси айнан қайси футболчиларга қанчадан тақсимланади? Қуйида бу саволга жавоб топасиз. Маълумотлар "Capalogy" сайтидан олинган бўлиб, улар тӯлиқ сумма эмас. Негаки, клублар ўз футболчиларининг маошини аниқ айтмайди. Шу сабаб биз энг яқин тахминий ҳисоб-китоблар асосида рўйхат туздик. Асл қиймат бундан фарқ қилиши мумкин. Шунингдек, рўйхатда "Ливерпул"нинг асосий қайдномасидаги номлар келтирилди.
1. Муҳаммад Салоҳ – 350 минг фунт
2. Виржил ван Дейк – 220 минг фунт
3. Тиаго Алкантара – 200 минг фунт
4. Трент Александер-Арнольд – 180 минг фунт
5. Райан Гравенберх – 150 минг фунт
6. Алексис Макаллистер – 150 минг фунт
7. Алиссон – 150 минг фунт
8. Дарвин Нуньес – 140 минг фунт
9. Диего Жота – 140 минг фунт
10. Доминик Собослаи – 120 минг фунт
11. Коди Гакпо – 120 минг фунт
12. Эндрю Робертсон – 100 минг фунт
13. Жоэль Матип – 100 минг фунт
14. Жо Гомес – 85 минг фунт
15. Ибраима Конате – 70 минг фунт
16. Андриан – 60 минг фунт
17. Луис Диас – 55 минг фунт
18. Ватару Эндо – 50 минг фунт
19. Костас Цимикас – 50 минг фунт
20. Харви Эллиот – 40 минг фунт
21. Стефан Байчетич – 40 минг фунт
22. Кюртис Жонс – 15 минг фунт
23. Куивин Келлехер – 10 минг фунт.
ИСМАТОВ Ж.
