Испаниялик ярим ҳимоячи Тьяго Алькантара "Ливерпуль"ни тарк этиб, Туркия Суперлигаси клубига ўтиши мумкин, деб хабар бермоқда AS журналистлари.
Манбага кўра, тажрибали футболчининг хизматларига "Трабзонспор" клуби қизиқиш билдирмоқда. Футболчининг ўзи бу клубга ўтишга қарши эмас. Турк клуби Алькантара билан икки йиллик меҳнат шартномасини бир мавсумга узайтириш имконияти билан имзолашга тайёр.
"Ливерпуль" ўз навбатида Тьяго билан хайрлашишни истамаяпти. Мерсисайдликлар испаниялик футболчини мавсум охиригача олиб қолмоқчи.
32 ёшли ярим ҳимоячи ўтган мавсумда Англия Премьер-лигасида 18 та ўйинда майдонга тушди ва иккита сариқ карточка олди.
