Goal.com портали Лондоннинг "Челси" жамоаси футболчиларининг Англия чемпионатининг 5-тур учрашувида "Борнмут"га (0:0) қарши ўйинига баҳо берди. Украиналик ярим ҳимоячи Михаил Мудрик "аристократлар" орасида энг ёмони деб топилди. Унинг ўйини ўндан уч баллга баҳоланди.
Эслатиб ўтамиз, Мудрик қишки трансфер ойнасида “Шахтёр”дан 70 миллион евро эвазига “Челси”га ўтган эди. У билан 2031 йилнинг ўрталаригача узоқ муддатли меҳнат шартномаси имзоланган.
Умуман олганда, украиналик вингер "Челси" сафида барча мусобақаларда 21 ўйин ўтказиб, атиги иккита голли узатмани амалга оширган.
