Саудия Арабистонининг «Ал-Ҳилол» клубининг юлдуз ҳужумчиси Неймар Осиё чемпионлар лигаси гуруҳ босқичининг очилиш ўйинида «Навбаҳор» футболчиси билан жанжаллашиб қолди.
Ўйин лаҳзаларидан бирида бразилиялик ҳужумчи рақибини туртиб юборди ва йиқилиб тушганидан кейин унга тўп билан зарба берди. Бу ҳаракатлари учун Неймар сариқ карточка билан жазоланди.
Учрашув 1:1 ҳисобида дуранг билан якунланди.
Эслатиб ўтамиз, Неймар ёзги трансфер ойнасида Франциянинг «ПСЖ» клубидан «Ал-Ҳилол»га ўтган эди.
Битим суммаси 90 миллион еврони ташкил этди. Ҳужумчи Саудия клуби билан 2025 йилга қадар меҳнат шартномаси тузди.
