Европа чемпионлар лигаси гуруҳ босқичи 1-туридан ўрин олган “Атлетико”га қарши баҳсда (1:1) “Лацио” дарвозабони Иван Проведел сўнгги дақиқаларда рақиб дарвозасини ишғол қилди.
Проведел 2009 йилдан бери Чемпионлар Лигасида гол урган илк дарвозабон ҳисобланади.
Шу вақтга қадар турнирда гол урган сўнгги посбон Синан Болат эди. “Стандарт” кипери Синан 2009 йил 9 декабрь санасида “АЗ”га қарши баҳсда гол уриб, жамоасининг 1:1 ҳисобидаги дуранг натижа қайд этишига ёрдам берганди.
Агар ЕЧЛ саралаш ўйинлари ҳам ҳисобга олинса, сўнгги гол Винсент Энемага тегишли эди. “Хапоэл” дарвозабони 2010 йил 18 августда “Зальцбург” дарвозасига (3:2) пенальтидан гол урганди.
Чемпионлар Лигаси тарихида (саралаш ўйинлари ҳам ҳисобга киради) 5 нафар дарвозабон ўз ҳисобига гол ёздириб қўйган. Юқорида тилга олинган 3 нафар посбондан ташқари Ҳанс-Йорг Бутт (2000 йил “Гамбург” сафида, 2002 йил “Байер” сафида, 2007 йил “Бавария” сафида) ҳамда Димитар Иванков (2000 йил “Левски” таркибида) ўз номига гол ёздириб қўйган.
Яна бир қизиқ факт: Проведел ўйиндан гол урган илк дарвозабон бўлди; Болат жарима зарбасидан узатилган тўпни боши билан дарвозага киритган, қолган уч посбон эса пенальтидан рақиб дарвозасини ишғол қилган.
