Европа Чемпионлар Лигаси гуруҳ босқичи 1-турида “Реал” ва “Унион Берлин” жамоалари 20 сентябрь, чоршанба куни ўзаро тўқнаш келди.

Учрашувда мадридликлар устунликка эришган бўлса-да, 90 дақиқа давомида дарвозалар ишғол этилмади. Бироқ, ҳакам қўшиб берган дақиқаларда Жуд Беллингем гол уриб, жамоасининг ғалабасини таъминлади.

Шу тариқа Карло Анчелотти жамоаси мусобақани минимал ҳисобдаги ғалаба билан бошлади.

“Галатасарой” эса “Копенгаген”га қарши баҳс олиб борди. Учрашув 2:2 ҳисоби билан якунланди. Туркия жамоаси 0:2 ҳисобини сўнгги дақиқаларда йўққа чиқара олди.

ЕЧЛ, 1-тур
20 сентябрь, чоршанба
“Реал” (Испания) – “Унион Берлин” (Германия) 1:0
Гол: Жуд Беллингем (90+4)
“Реал Мадрид”: Аррисабалага, Начо (Фран Гарсия, 73), Рюдигер, Алаба, Модрич (Браим Диас, 81), Тчуамени (Вальверде, 66), Камавинга (Кроос, 66), Беллингҳем, Васкес, Родриго, Хоселу.
“Унион Берлин”: Реннов, Юранович, Бонуччи (Еккел, 80), Диогу Лейте, Дуки, Гозенс, Крал, Тузар (Кемляйн, 83), Лаидуни (Ааронсон, 66), Беккер (Фофана, 80), Беренс (Фолланд, 66).
Огоҳлантиришлар: Тузар (1), Тчуамени (37).



“Галатасарой” (Туркия) – “Копенгаген” (Дания) 2:2
Голлар: 0:1 – 35 Элюнусси, 0:2 – 58 Диогу Гонсалвеш, 1:2 – 86 Боэ, 2:2 — 88 Тете.