Миланнинг "Интер" клуби жароҳатланган ҳужумчи Марко Арнаутовичга ўринбосар топиш учун эркин агентларни кузатишни режалаштирмаяпти. Бу ҳақда "нерадзуррилар" бош директори Жузеппе Маротта гапириб ўтди.
“Эркин агент билан шартнома имзолайсизми? Клубимиз бу вариантни кўриб чиқмаяпти. Эркин агент бозоридан кимнидир сотиб олишимизга ҳеч қандай имконият йўқ”, - деди функционер.
Олдинроқ Арнаутович жароҳати туфайли икки ойга яқин майдонга туша олмаслиги хабар қилинганди.