Поль Погба ва Адриен Рабьонинг келажаги ноаниқ ва бу фонда "Ювентус" ярим ҳимояни мустаҳкамловчи футболчиларни қидирмоқда.
"Атлетико Мадрид" ярим ҳимоячиси Родриго де Пауль Турин грандининг нишонида. TodoFichaes нашри хабарига кўра, "кекса синьора" вакиллари аллақачон 29 ёшли аргентиналик футболчининг агенти билан боғланишган.
Шу билан бирга, Де Пауль "Атлетико"да бахтли эканлиги ва клуб унга умид қилаётгани таъкидланган. Бир сўз билан айтганда, "Ювентус"га трансферни амалга ошириш қийин бўлади.
Transfermarkt портали Родриго де Паулни 40 миллион еврога баҳоламоқда. Ўтган йилнинг охирида де Пауль Аргентина терма жамоаси таркибида жаҳон чемпиони бўлди.
