"Ливерпул" АПЛнинг 7-туридан ўрин олган "Тоттенхэм"га (1:2) қарши ўйиндан кейин жаримага тортилиши мумкин, деб хабар беради Liverpool Echo.
Мерсисайдликлар ўйинни иккита қизил карточка билан якунладилар – биринчи бўлимда Кёртис Жонс тўғридан-тўғри қизил карточка олди, иккинчи бўлимда эса ҳакам Саймон Хупер Диого Жотани иккита сариқ карточка учун майдондан четлатди.
Англияда стандарт жарима тизими мавжуд бўлиб, унга кўра бир ўйинда 6 тадан ортиқ карточка олган клуб 25 минг фунт стерлинг миқдорида жаримага тортилади. "Шпорлар" билан ўйинда Жотадан ташқари 5 нафар "қизиллар" футболчи сариқ карточка олди.
30 сентябр куни PGMOL (Англиядаги ўйинларни бошқарадиган компания) Луис Диаснинг “Тоттенхэм” дарвозасига киритган голини бекор қилиш билан боғлиқ эпизоддаги хатони тан олиб, “Ливерпуль”дан узр сўради.
