"Манчестер Юнайтед" ярим ҳимоячиси Жэйдон Санчо январь ойида Дортмунднинг "Боруссия"сига қайтиши мумкин. Бу ҳақда журналист Флориан Плеттенберг ижтимоий тармоқларида ёзади.
“Уни сотиб олиш жуда қимматга тушади, лекин ижара варианти бор. Ҳозирда у Терзич билан доимий алоқада ва "Боруссия" варианти ўз кучини йўқотмайди", - дейди Плеттенберг.
Эслатиб ўтамиз, Санчо сентябрь ойида “Манчестер Юнайтед” бош мураббийи Эрик тен Хаг билан можарога учраган эди. Унинг “Қизил иблислар” сафидаги келажаги ҳамон ноаниқлигича қолмоқда.