"Manchester Yunayted" yarim himoyachisi Jeydon Sancho yanvar oyida Dortmundning "Borussiya"siga qaytishi mumkin. Bu haqda jurnalist Florian Plettenberg ijtimoiy tarmoqlarida yozadi.
“Uni sotib olish juda qimmatga tushadi, lekin ijara varianti bor. Hozirda u Terzich bilan doimiy aloqada va "Borussiya" varianti o‘z kuchini yo‘qotmaydi", - deydi Plettenberg.
Eslatib o‘tamiz, Sancho sentyabr oyida “Manchester Yunayted” bosh murabbiyi Erik ten Xag bilan mojaroga uchragan edi. Uning “Qizil iblislar” safidagi kelajagi hamon noaniqligicha qolmoqda.