"Галатасарой" "Олд Траффорд"да кутилмаганда "Манчестер Юнайтед"ни мағлуб этди.

Туркия жамоаси икки бор хисобда ортда қолаётиб, якунда 3:2 ҳисобида зафар қучди. Ғалаба голини 81-дақиқада ҳужумчи Мауро Икарди киритди.

BBC берган хабарга кўра, “Галатасарой” учун бу ғалаба Чемпионлар лигасининг асосий босқичида ўн йилдан кўпроқ вақт ичида – 2013 йилнинг март ойида 1/8 финалда “Шальке-04”ни (3:2) мағлуб этганидан бери биринчи сафардаги ғалаба бўлди. Қолаверса, жамоа турнирдаги сўнгги еттита меҳмондаги ўйинда бирорта ҳам гол ура олмаганди – шу кунга қадар охирги гол 2015 йилнинг ноябрига тўғри келган.

“Манчестер Юнайтед” икки турдан сўнг очко тўплаган ҳолда “А” гуруҳида охирги ўринни эгаллаб турибди. “Галатасарой” 4 очко билан иккинчи ўринда бормоқда.