"Манчестер Сити" бош мураббийи Пеп Гвардиола ярим ҳимоячи Фил Фоденнинг иқтидори ҳақида ўз фикрлари билан ўртоқлашди.

23 ёшли футболчи яқинда Чемпионлар лигаси доирасида "РБ Лейпциг"га қарши ўйинда (3:1) "шаҳарликлар" сафида рақиб дарвозасини ишғол қилди. Лондоннинг “Арсенал” клуби билан учрашув арафасида Гвардиола яна бир бор англияликнинг ўзига хос қобилиятини қайд этди.

"Фоденнинг туғма футбол инстинкти бор - у ўйнаганда ортиқча ўйлайдиган одам эмас. У доимий равишда мураббийнинг кўрсатмалари ҳақида ўйлашнинг ҳожати йўқ, чунки у эркин қуш ва у хоҳлаган жойга учади.

У зўр табиий қобилиятларга эга, улкан истеъдодга эга, бу унга майдоннинг учдан бир қисмида хавфли бўлишга имкон беради ва мен буни бу билан чекламоқчи эмасман", - деди испаниялик мутахассис.