"ПСЖ" ҳужумчиси Усмон Дембеле кетма-кет тўртта учрашувдан бери гол ура олмаган жамоадоши Килиан Мбаппени қўллаб-қувватлади. Эслатиб ўтамиз, Франция чемпионатининг 8-туридан ўрин олган учрашувда “ПСЖ” “Ренн” меҳмони бўлиб, 3:1 ҳисобида ғалаба қозонган эди.
“Менимча, Мбаппе бу ўйинда чарчаган эди. Биз ҳар уч кунда ўйнаймиз, бу бироз оғир, лекин йўқ, у хафа эмас, у тез орада яна гол уради", - дея Дембеле сўзларидан иқтибос келтирган PSG Report.
Саккиз турдан кейин "ПСЖ" 15 очко билан Франция чемпионати турнир жадвалида учинчи ўринда бормоқда.
