“Интер Майами”нинг аргентиналик ҳужумчиси саккизинчи марта “Олтин тўп”ни қўлга киритади.
BOLASPORT телеканали хабарига кўра, 36 ёшли Месси навбатдаги “Олтин тўп”ни қўлга киритиши ҳақида аллақачон маълум қилинган. Манбага кўра, машҳур France Football журнали вакиллари футболчи билан учрашиб, унга овоз беришдаги ғалабаси ҳақида айтишган. Қайд этилишича, Месси билан ушбу соврин бўйича интервью ёзиб олинган.
Эслатиб ўтамиз, ўтган йилнинг охирида Месси Аргентина терма жамоаси билан биргаликда жаҳон чемпиони бўлганди. Бундан ташқари, ҳужумчи жаҳон чемпионатининг энг яхши футболчиси сифатида этироф этилди.
France Football томонидан ҳар йили ўтказиладиган "Олтин тўп"ни топшириш маросими 30 октябрь куни бўлиб ўтади.
