“Inter Mayami”ning argentinalik hujumchisi sakkizinchi marta “Oltin to‘p”ni qo‘lga kiritadi.
BOLASPORT telekanali xabariga ko‘ra, 36 yoshli Messi navbatdagi “Oltin to‘p”ni qo‘lga kiritishi haqida allaqachon ma’lum qilingan. Manbaga ko‘ra, mashhur France Football jurnali vakillari futbolchi bilan uchrashib, unga ovoz berishdagi g‘alabasi haqida aytishgan. Qayd etilishicha, Messi bilan ushbu sovrin bo‘yicha intervyu yozib olingan.
Eslatib o‘tamiz, o‘tgan yilning oxirida Messi Argentina terma jamoasi bilan birgalikda jahon chempioni bo‘lgandi. Bundan tashqari, hujumchi jahon chempionatining eng yaxshi futbolchisi sifatida etirof etildi.
France Football tomonidan har yili o‘tkaziladigan "Oltin to‘p"ni topshirish marosimi 30 oktyabr kuni bo‘lib o‘tadi.
