Ҳуқуқлари "Порту"га тегишли бўлган аргентиналик ярим ҳимоячи Алан Варела Испаниянинг топ-клубида ўйнаш имкониятига эга. Бу ҳақда Todofichajes саҳифаларида хабар берилган.
Манбага кўра, "Барселона" бош мураббийи Хави Эрнандес 22 ёшли жанубий америкалик футболчини ўз сафига қўшиб олмоқчи. "Блауграна" қишки трансфер ойнасида Вареланинг трансферини амалга оширишга умид қилмоқда.
Аланнинг "аждарлар" билан шартномаси 2028 йилгача мўлжалланган. Унинг трансфер нархи 12 миллион еврога баҳоланмоқда.