"Арсенал" клуби яқин орада ҳимоячи Бен Уайт билан янги меҳнат шартномасини имзолашига ишонч билдирмоқда. Бу ҳақда нуфузли инсайдер Фабрицио Романо ижтимоий тармоқларда гапиради. "Канонирлар" август-сентябрь ойларидан бери 26 ёшли футболчи билан музокара олиб боришди.
Қайд этилишича, Бен Уайт "Арсенал"да бахтли. Унинг амалдаги шартномаси 2025/2026 йилги мавсум охиригача амал қилади.
Уайт 2021 йилнинг июль ойи охиридан бери "Арсенал"да ўйнамоқда. Ўшандан бери ҳимоячи 95 та расмий ўйин ўтказиб, ўз шериклари сафида 3 та гол ва 5 та голли узатмани амалга оширган.
