Исроиллик аскарнинг отаси Лионель Мессига ёрдам сўраб мурожаат қилди.
"Аргентина фуқаролигига эга бўлган исроиллик аскар ўғлим Рон Ғазода ҲАМАС террорчилик гуруҳи томонидан ўғирлаб кетилган.
Биламан, сизга минглаб ёрдам сўровлари тушмоқда ва бу видео сизга етиб борадими ёки йўқми, билмайман. Лекин мен ота сифатида ўғлимни қайтариш учун қўлимдан келган барча ишни қиляпман.
Сиздан бир неча сўз мўъжиза яратиши мумкинлигини биламан. Рон учун, ўғлим ва Хамас томонидан ўғирлаб кетилган аргентиналиклар учун қўлингиздан келганини қилинг. Умид қиламанки, менинг сўзларим сизга етиб боради. Биз сизни яхши кўрамиз", - деди аскарнинг отаси Алекс Шерман.
Фаластин-Исроил можароси 7 октябрь куни Фаластиннинг ХАМАС ҳаракатининг ҳужумидан сўнг авж олди.
Исроилда ҳалок бўлганлар сони 1400 нафарга етди, 3500 дан ортиқ киши жароҳат олди. Ғазо секторидаги ҳужумларда ҳалок бўлган фаластинликлар сони 2600 дан ошди, 9200 нафари яраланди. Хамас 155 кишини гаровда ушлаб турибди.
