Лионель Месси Европани тарк этди, аммо у узоқ вақт давомида қитъанинг етакчи чемпионатларининг энг яхши дриблингчилари рейтингини бошқаради.
Июль ойида Американинг "Интер Майами" клубига кўчиб ўтган аргентиналик ҳужумчи 2006/07 йилги мавсум бошидан буён "Барселона" ва "ПСЖ" учун лига ўйинларида 2358 та муваффақиятли дриблингни амалга оширди - бу кўрсатилган даврдаги "кучли бешлик"даги энг яхши кўрсаткич, дея хабар бермоқда Opta портали.
Иккинчи ўринни яқинда фаолиятини якунлаган Эден Азар (1285), учинчи ўринни эса собиқ "Бавария" футболчиси Франк Рибери (1061) эгаллади.
Кучли дриблингчилар бешлигидан Саудия Арабистонига йўл олган Неймар (984) ва яқинда "Кристал Пэлас"дан "Галатасарой"га йўл олган Уильфрид Заха (972) ҳам жой олди. Криштиану Роналду 937 дриблинг билан олтинчи ўринда.
