Леон Горецка қўлидаги жароҳат туфайли "Бавария"нинг бўлажак ўйинларини ўтказиб юборади.
Ярим ҳимоячи шанба куни "Майнц" билан ўйинда (3:1) жароҳат олди. У 75-дақиқада алмаштирилди.
Мюнхенликлар жамоаси 28 ёшли футболчи аллақачон операция қилингани ва кейинги ўйинларда майдонга тушмаслиги ҳақида хабар берди.
Журналист Флориан Плеттенбергнинг ёзишича, Горецка Бундеслиганинг 10-турида Дортмунднинг "Боруссия" жамоасига қарши ўйинга қайтишга умид қилмоқда. Ўйин 4 ноябрь куни бўлиб ўтади.
Жорий мавсумда ярим ҳимоячи Германия чемпионатида 8та ўйин ўтказиб, 2та гол урган.
