"Арсенал" ярим ҳимоячиси Томас Парти кўпроқ ўйин амалиётига эга бўлишни истамоқда.
Ганалик футболчи бу мавсумда камдан-кам ҳолларда "канонирлар"нинг асосий таркибига киради. Бош мураббий Микель Артета ўтган ёзда "Вест Хэм"дан 116 миллион еврога сотиб олинган Деклан Райсни афзал кўради.
90min.com маълумотларига кўра, Парти жамоадаги ўрнидан ҳафсаласи пир бўлган. Яқинда "Челси"га қарши ўйинда (2:2) 30 ёшли футболчи захирада қолди ва бу вазиятни янада оғирлаштирди. Қайд этилишича, ганалик футболчи жамоадаги ўрин учун курашишга тайёр, аммо январгача вазият ўзгармаса, қишда кетиш ҳақида жиддий ўйлаб кўради.
