"Тоттенхэм" бошқарувчиси Анге Постекоглу "Фулхэм"га қарши ўйинда (2:0) жамоанинг муваффақият сири билан ўртоқлашди.

Премьер-лиганинг 9-турида “шпорлар” 36 ва 54-дақиқаларда Сон ва Мэддисоннинг голлари эвазига устунликни қўлга киритди.

“Фулхэм” – кучли рақиб, уларни синдириш осон эмас. Биз биринчи бўлимда бу вазифани яхши бажардик.

Иккинчи бўлим омадсиз ўтди - биз нимага қодир эканимизни деярли кўрсата олмадик. Бу, эҳтимол, тўпга эгалик қилиш борасидаги мавсумнинг энг ёмон ярми бўлган бўлса-да, тўпдан ташқари ишимиз барибир зўр эди.

Иккала гол ҳам биз қўллаган босим эвазига киритилди. Бу мавсумда прессинг бизга доимий равишда натижа келтирди", - дея Постекоглу сўзларини келтирган BBC.