"Ал-Иттиҳод"нинг франциялик ҳужумчиси ва "Реал" афсонаси Карим Бензема Transfermarkt порталидаги сўнгги янгиланиш натижасида 10 миллион еврога арзонлашди. Энди унинг нархи 25 миллиондан 15 миллионга тушди.
Агар ўтган йил охиридаги ўйинчилар нархларининг янгиланишини оладиган бўлсак, унинг натижаларига кўра Бензема 20 миллион еврога арзонлашган.
Эслатиб ўтамиз, ўтган ёзда франциялик футболчи ўзи салкам 15 йил тўп сурган “Реал”ни Саудиянинг “Ал-Иттиҳод” клубига алмаштирган эди. Трансфер эркин агент сифатида имзоланди.
Дарвоқе, Карим янги жамоаси сафида 8 та ўйин ўтказиб, 4 та гол ва иккита голли узатмани амалга оширди.
