"Бавария" ҳимоячиси Нуссер Мазрауи дарвозабон Даниэл Перец билан шахсий суҳбат ўтказди. Bild хабарига кўра, аввалига ўйинчилар бирга гаплашган, кейин эса клуб президенти Герберт Хайнер уларга қўшилган.

Манба маълумотларига кўра, суҳбат чоғида Мазрауи Перецга Исроил ва яҳудийларга нисбатан ҳеч қандай душманлиги йўқлигини маълум қилган. Марокашлик, шунингдек, шахсий психологининг ўзи яҳудий эканлигини қўшимча қилди. Хайнер иккала футболчи билан гаплашганидан сўнг, президент ҳеч қандай муаммо йўқлигини ҳис қилган.

Эслатиб ўтамиз, Мазрауи яқинда Исроил билан ҳарбий можарода Фаластинни қўллаб-қувватлаган эди. Шундан сўнг, Нуссер немис ОАВлари ва "Бавария" раҳбарияти томонидан қораланди.