«Эвертон» молиявий қоидаларни бузгани учун жиддий жазога тортилади.
The Telegraph ўз саҳифаларида хабар беришича, Премьер-лига турнир жадвалида жамоадан 12 очко олиб қўйилиши мумкин.
Агар ҳозирда «Эвертон»дан очколар олинса, жамоа қуйи зонага тушиб кетади. Ўтган тўққиз турда мерсисайдликлар 7 очко тўплашга муваффақ бўлишди ва бу билан турнир жадвалида 16-ўринда бормоқда. «Ирисчилар» бўйича қарор шу йил охирида қабул қилинади.
«Эвертон» Англия чемпионатидаги навбатдаги ўйинини 29-октябрь, якшанба куни ўтказади. Шон Дайч шогирдлари сафарда «Вест Хэм» билан ўйнайди.
