«Наполи» ҳужумчиси Виктор Осимхен Саудия Арабистони чемпионати ва МЛС ўртасида танлов қилди.
«Бу ажойиб лигалар ва у ерларда ўйнаш учун жуда кўп истеъдод керак. Агар Арабистон ва МЛС ўртасида танлов қилишим керак бўлса, мен МЛСни танлаган бўлардим», - дея нигериялик форварднинг сўзларини келтиради журналист Жанлука ди Марцио.
Ўтган ёзда Осимхенга Европанинг топ клубларидан ташқари Саудия Арабистони жамоалари ҳам қизиқиш билдирганди. Жорий мавсумда барча турнирлардаги ўнта ўйинда Виктор олтита гол урди.