Жуд Беллингем пайшанба куни "Реал Мадрид" билан машғулот ўтказмади. "Брага"га қарши Чемпионлар лигаси ўйинида олган жароҳатидан сўнг, мадридликлар ярим ҳимоячиси индивидуал дастур бўйича шуғулланди.
Беллингем ижобий фикрда у ўзининг дебют класикода қатнаша олишига ишонади.
"Мен эл-класикода ўйнайман", - дея Беллингем сўзларини келтирмоқда Marca.
Жуд Беллингем "Реал" сафида 12 та ўйин ўтказган. Уларда ярим ҳимоячи 11 та гол урди ва шерикларига 3 та самарали узатмани амалга оширди.
"Барселона" ва "Реал" ўртасидаги Ла Лига учрашуви 28 октябрь, шанба куни бўлиб ўтади.
