"Барселона" ва "Милан"нинг собиқ футболчиси Роналдиньо "Реал" бош мураббийи Карло Анчелотти, унинг раҳбарлигида "Милан" клубида ишлагани ҳақида гапирди.
“У ажойиб мураббий ва жуда яхши инсон. Ҳар йили у ўз даражасини кўрсатади. У зўр. Бу Анчелоттини таърифлаш учун энг яхши сўз", - дея Роналдиньо сўзларини келтирмоқда La Gazzette dello Sport.
Собиқ футболчининг сўзларига кўра, у келаси йили Анчелотти Бразилия терма жамоасининг янги бош мураббийи бўлишига умид қилмоқда.
Айни дамда Анчелотти бошчилигидаги "Реал" ўн турда 25 очко жамғариб, Испания чемпионати турнир жадвалида пешқадамлик қилмоқда.
