"Манчестер Сити" бош мураббийи Пеп Гвардиола "Манчестер Юнайтед"нинг жорий мавсумдаги натижалари ва истиқболлари ҳақида ўз фикрини айтди.
Якшанба куни "шаҳарликлар" "Олд Траффорд"да Эрик тен Хаг жамоасига қарши ўйнайди. "Қизил иблислар" кетма-кет учта ғалабадан кейин Манчестер дербисига йўл олишмоқда.
"Премьер-лигада бор йўғи тўққизта ўйин ортда қолди, тўққизта ўйин... Бунинг учун вақт керак бўлади. "Юнайтед" кетма-кет тўрт, беш, олтита ўйинда ғалаба қозониши мумкин. Улар буни қилганда тепада бўлишади. Улар у ерда бўлишади, лекин бу вақт талаб этади. Мураббий ишни қилсин", - дея Гвардиоланинг сўзларини келтиради Citi Xtra.