"Манчестер Юнайтед" афсоналаридан бири Рой Кин ўз жамоасини дербидаги мағлубияти ҳақида гапирди. У "МЮ" футболчиларини танқид остига олди:
"Бу ўйинда ҳалиям "Манчестер Сити" ўзининг энг яхши даражасини намойиш этмади. Рақиб ўйинчилари бугун "МЮ" йигитларини шунчаки ўйинчоқ қилишди. Мезбонлар эса рақибдан ҳар жабҳада заиф кўринди.
Энг қўрқинчлиси, ҳатто жисмоний жиҳатдан ҳам "МЮ" ожиз эди. "Манчестер Сити"га қойил. Улар ҳақли ғалабага эришди. "МЮ" ҳақида айтадиган бўлсам, қаерда бошландию, қаерда тугайди? Бу жамоани қайтишига ҳали анча бор экан".
