Леверкузеннинг "Байер" клуби ярим ҳимоячиси Эсекель Паласиос Англия Премьер-лигасининг бир қанча клублари қизиқишлари доирасида.
Аввалроқ "Манчестер Сити" аргентиналик футболчини январь ойида трансфер қилиш ниятида экани ҳақида хабар берилганди, бироқ TNT Sports нашри маълумотларига кўра, 25 ёшли ярим ҳимоячига "Ньюкасл" ва "Астон Вилла" ҳам қизиқиш билдирмоқда.
Бу мавсум Паласиос учун Германия Бундеслигасида бешинчи мавсум бўлди. Аргентиналик футболчи Хаби Алонсо бошчилигида муваффақиятга эришди, бу эса Англия Премьер-лигаси клубларининг қизиқишини уйғотди.
Паласиос Германия Бундеслигасининг жорий мавсумида 9 та ўйинда майдонга тушиб, 2 та гол ва 2 та голли узатмага муаллифлик қилди.
