Мадриднинг “Атлетико” клуби бош мураббийи Диего Симеоне Испания Ла Лигасининг октябрь ойидаги энг яхши мураббийига айланди.

Пойтахтликлар кузнинг иккинчи ойида ўтказилган барча баҳсларда ғалаба қозонишди. “Атлетико” “Кадис”ни 3:1, “Реал Сосьедад” (2:1), “Сельта” (3:0) ва “Алавес”ни (2:1) мағлуб этди. Аргентиналик мутахассис овоз йиғишда Мичел (Жирона) ва Францискони (Райо Вальекано) мағлуб этди.

“Матрасчилар” Испания чемпионати турнир жадвалида пешқадам “Реал” ва “Жирона”дан 3 очко ортда қолиб, учинчи ўринда бормоқда. "Атлетико"да битта ўйин кам.