Истанбулнинг "Галатасарой" клуби ҳимоячиси Саша Бой фаолиятини Англия чемпионатининг топ-клубида давом эттириши мумкин, дея хабар бермоқда Tribal Football нашри.
Журналистларнинг хабар беришича, футболчининг трансферига “Манчестер Юнайтед” қизиқиш билдирмоқда. "Манкунианликлар" раҳбарияти футболчини январь ойидаги трансфер ойнасида қўлга киритишни режалаштирмоқда.
23 ёшли ҳимоячининг турк гранди билан шартномаси 2025 йилнинг ўрталарига қадар тузилган. Унинг трансфер қиймати 17 миллион еврога баҳоланмоқда.
Суперлиганинг жорий мавсумида Саша ўнта ўйин ўтказди ва битта сариқ карточка олди.
