Жаррод Боуэн «Вест Хэм Юнайтед» тезда Премьер-лигадаги формасини тиклаши кераклигини тан олди.

«Болғачилар» шанба куни «Брентфорд»га 2:3 ҳисобида мағлуб бўлишди.

«Бу ҳақиқатан ҳам умидсизликка сабаб бўлади. Биздан ёмон ўйин бўлди.

Танаффусдан сўнг 2:1 ҳисобида олдинда бўлиб майдонга қайтдик, аммо иккинчи бўлимда рақиб учун жуда осон голлар бўлди. Бундай голларни ўтказиб юборганимиздан ҳафсаламиз пир бўлди.

Ўйлашимча, агар сиз меҳмонда иккита гол урсангиз, бу ўйиндан ниманидир олишни кутасиз, бироқ натижани ушлаб қола олмадик.

Менимча, ҳозир гапириш фойдасиз, майдонда нимадир ўзгариши керак», – деди Боуэн.