"Реал" ҳимоячиси Давид Алаба Англия чемпионатининг топ-клубларидан бирида ишлаш имкониятига эга, дея хабар беради Todofichajes.
Манба берган хабарга кўра, "Манчестер Юнайтед" 31 ёшли австриялик футболчининг хизматларига қизиқиш билдирмоқда.
Алаба сўнгги йилларда "Реал"дан "Манчестер Юнайтед"га ўтган учинчи футболчига айланиши мумкин. Олдинроқ ҳимоячи Рафаел Варан ва ярим ҳимоячи Каземиро "Олд Траффорд"га ўтганди.
Алабанинг "қироллик" клуби билан меҳнат шартномаси 2026 йилнинг ёзига қадар тузилган. Футболчининг трансфер нархи 40 миллион евро.