"Real" himoyachisi David Alaba Angliya chempionatining top-klublaridan birida ishlash imkoniyatiga ega, deya xabar beradi Todofichajes.
Manba bergan xabarga ko‘ra, "Manchester Yunayted" 31 yoshli avstriyalik futbolchining xizmatlariga qiziqish bildirmoqda.
Alaba so‘nggi yillarda "Real"dan "Manchester Yunayted"ga o‘tgan uchinchi futbolchiga aylanishi mumkin. Oldinroq himoyachi Rafayel Varan va yarim himoyachi Kazemiro "Old Trafford"ga o‘tgandi.
Alabaning "qirollik" klubi bilan mehnat shartnomasi 2026 yilning yoziga qadar tuzilgan. Futbolchining transfer narxi 40 million yevro.