"Челси" АПЛнинг 11-тури доирасида "Тоттенхэм" меҳмони бўлиб, сафарда йирик ҳисобда ғалаба қозонди.
Маурисио Почеттино шогирдлари ўйинни 9 нафар футболчи билан якунлаган "шпорлар"ни 4:1 ҳисобида мағлуб этишди. Учта гол муаллифи 75, 94 ва 97-дақиқаларда гол урган Николас Жексон бўлди.
Бугунги ғалаба "Челси"нинг "Тоттенхэм" устидан АПЛ тарихидаги 15-ғалабаси бўлди. Squawka нашрининг хабар беришича, бу аввал фақат "Манчестер Юнайтед"га тегишли бўлган рекорднинг такрорланиши (худди шундай 15 ғалаба).
Бугунги ғалабадан сўнг "Челси" 15 очко билан турнир жадвалида 10-ўринда бормоқда. "Тоттенхэм" 26 очко билан иккинчи ўринда бормоқда.
