"Манчестер Юнайтед" ҳужумчиси Жейдон Санчо жамоасини тарк этишга яқинлашмоқда. The Sun маълумотларига кўра, англиялик аллақачон мессенжерлардан биридаги жамоа чатидан чиқариб юборилган.

Аввалроқ Санчо умумий овқатланиш хонасига киришга рухсат берилмагани боис, ҳаттоки, жамоанинг қолган аъзоларидан алоҳида тушлик қилиши ҳам хабар қилинганди. Футболчи сентябрь ойидан бери жамоа машғулотларидан четлаштирилди.

Эслатиб ўтамиз, Санчо қишда "Манчестер Юнайтед"ни тарк этиш эҳтимоли катта. Англиялик футболчининг хизматларига бугунги кунда энг катта қизиқишни Туриннинг "Ювентус" клуби кўрсатмоқда, у сотиб олиш опсияси билан ижара шартномасини тузмоқчи.