"Manchester Yunayted" hujumchisi Jeydon Sancho jamoasini tark etishga yaqinlashmoqda. The Sun ma’lumotlariga ko‘ra, angliyalik allaqachon messenjerlardan biridagi jamoa chatidan chiqarib yuborilgan.

Avvalroq Sancho umumiy ovqatlanish xonasiga kirishga ruxsat berilmagani bois, hattoki, jamoaning qolgan a’zolaridan alohida tushlik qilishi ham xabar qilingandi. Futbolchi sentyabr oyidan beri jamoa mashg‘ulotlaridan chetlashtirildi.

Eslatib o‘tamiz, Sancho qishda "Manchester Yunayted"ni tark etish ehtimoli katta. Angliyalik futbolchining xizmatlariga bugungi kunda eng katta qiziqishni Turinning "Yuventus" klubi ko‘rsatmoqda, u sotib olish opsiyasi bilan ijara shartnomasini tuzmoqchi.