Мадриднинг «Реал» клуби бош мураббийи Карло Анчелотти «Палмейрас» ҳужумчиси Эндрикнинг ЖЧ-2026 саралаш ўйинлари учун Бразилия терма жамоасига чақирилиши ҳақида гапирди.
Эслатиб ўтамиз, 17 ёшли форвард келаси ёзда пойтахт жамоасига келиб қўшилади.
«Бу қарор мени ҳайратда қолдирмади, чунки у жуда яхши ўйнаяпти. Жамоада рақобат кучли. Бу Бразилияда жуда яхши ўйин кўрсатаётган ёш футболчи учун катта мукофотдир», - дея мутахассиснинг сўзларини келтиради «Реал» матбуот хизмати.
Жорий мавсумда Эндрик барча турнирларда 47 та ўйинда қатнашиб, 11 та гол урди ва жамоадошларига битта голли узатма ёздириб қўйди.
