«Челси» ярим ҳимоячиси Коул Палмер жамоасининг «Тоттенхэм» устидан қозонилган дербидаги ғалабаси ҳақида фикр билдирди.
Душанба оқшомида Маурисио Почеттино шогирдлари меҳмонда «шпорлар»ни 4:1 ҳисобида мағлуб этишди. Палмер пенальтидан гол урди ва голли узатмани амалга оширди.
«Биз жуда муҳим уч очкони қўлга киритдик. «Тоттенхэм» бу мавсумда ҳеч қачон мағлуб бўлмаганини билардик.
Улар ажойиб жамоа, лекин биз ҳам шундаймиз. Биз у ерга бориб, натижага эриша оламиз деб ўйладик, шундай қилдик ҳам.
Биз олдинга силжишда давом этишимиз керак», - дея Палмернинг сўзларини келтиради «Челси» расмий сайти.
