"Милан" ярим ҳимоячиси Исмаэл Беннасер ҳозирги ҳолати ҳақида гапирди.

Жазоирлик футболчи баҳорда тиззасидан олган жиддий жароҳати туфайли жорий мавсумда бирор марта майдонга тушмади. Ярим ҳимоячининг майдонга қайтиши қишда режалаштирилган.

“Албатта, бу осон эмас, айниқса, шундай муҳим паллада жароҳат олиш жуда қийин эди. Ҳар куни позитивликни кўрганингизда, дастурингиз бўйича ишлаганингизда ва тараққиётни кўрганингизда ҳаммаси жойига тушади.

Юқорида айтиб ўтганимдек, мен ҳамма нарсада ижобий нарсаларни кўришга ҳаракат қиламан - бу даврда мен оилам билан ва ўзим билан кўпроқ вақт ўтказишга муваффақ бўлдим. Жароҳатимдан хурсанд эмасман, лекин яхшиман. Ҳозир мен ўзимни яхши ҳис қиляпман - энди тиззамда оғриқ сезмаяпман", - дея Беннасернинг сўзларини келтиради MilanReport.