"ПСЖ" ҳимоячиси Ашраф Ҳакимининг агенти Алехандро Камано марокашлик футболчининг "Интер"га қайтиши эҳтимолини баҳолади.
Эслатиб ўтамиз, марокашлик футболчи "Жузеппе Меаца"да атиги бир мавсум ўтказган ва ўшанда Антонио Конте бошчилигидаги клуб билан Италия чемпионлигини қўлга киритган.
"Кафолат билан айтишим мумкинки, "ПСЖ" раҳбарияти ҳозир Ҳакими билан узоқ муддатли шартнома имзолаш имкониятини муҳокама қилмоқда. Ўтмишда Ашраф "Интер" мухлисларини хурсанд қилган, аммо менимча, бу воқеа тугади", - деди агент.
Жорий мавсумда Ҳакимий Франция чемпионатининг 10 та учрашувида 3 та гол урди ва 4 та голли узатмани амалга оширди.
