"Реал Мадрид"нинг ҳужумкор ярим ҳимоячиси Жуде Беллингем ажойиб мавсумни ўтказмоқда.
WhoScored футбол статистикаси портали Беллингемнинг ўйинларини таҳлил қилиб, унинг кучли ва заиф томонлари ҳақидаги маълумотларни эълон қилди.
Манбага кўра, ярим ҳимоячининг асосий устунликлари: ҳужумларни якунлаш, дриблинг, узоқдан зарба бериш, рақибдан тўпни олиб қўйиш ва ҳимояда ўйнаш. Эътиборлиси, Беллингемнинг заиф томонлари устунида футболчининг жиддий камчиликлари йўқлиги кўрсатилган.
Жорий мавсумда 20 ёшли ярим ҳимоячи барча турнирларда 14та ўйинда қатнашиб, 13 марта рақиблар дарвозасига аниқ зарба йўллаган ва учта голли узатмани амалга оширган.
