Франция терма жамоаси дам олиш кунларида Гибралтарни 14:0 ҳисобида мағлуб этди. Ўша оқшом "уч ранглилар" бир қатор рекордларни ўрнатишди, хусусан, улар ўз тарихларидаги энг йирик ғалабани қўлга киритишди.
Франция футбол федерацияси ўйин танаффус вақтида кийим алмаштириш хонасида олинган видеони эълон қилди. Видеода жамоа бош мураббийи Дидье Дешам футболчиларни рекорд даражадаги ғалабага чақирди.
"Рекорд ғалаба 10:0 эди, сиз буни янгилашингиз мумкин. Олға, йигитлар, - деди Дешам ўйинчиларга.
Эслатиб ўтамиз, биринчи бўлимдан сўнг Франция терма жамоаси Гибралтар жамоасини 7:0 ҳисобида мағлуб этганди.
Сешанба куни саралашнинг сўнгги турида Франция терма жамоаси меҳмонда Грецияга қарши баҳс олиб боради.
