Германия терма жамоаси вингери Лерой Сане Австрия терма жамоаси билан ўртоқлик учрашувида (0:2) 49-дақиқада қизил карточка олгани ҳақида гапирди.

"Венадаги унутилмас оқшом. Бу ҳаракат учун кийиниш хонасида жамоадошларимдан узр сўрадим. Менинг барча ҳис-туйғуларим ва амбицияларимга қарамай, бу мен билан содир бўлмаслиги керак, айниқса бизнинг ҳозирги шароитимизда. Мухлисларимиз ҳам жуда афсусда. 2024 йил биз учун муваффақиятли бўлиши учун кўп иш қилишимиз керак", — деб ёзди Сане ижтимоий тармоқда.

Иккинчи бўлим бошида 27 ёшли германиялик футболчи ўз ҳис-туйғуларини жиловлай олмади ва австриялик ҳимоячи Филипп Мвененинг юзига зарба берди, шундан сўнг у спортчига хос бўлмаган ҳаракати учун майдондан четлатилди.

Opta портали хабарига кўра, Сане профессионал фаолиятида биринчи марта қизил карточка олди. Биринчи қизил карточка олдидан Сане 402 та ўйин ўтказишга муваффақ бўлди (Германия терма жамоасида 59 та, "Бавария"да 151 та, "Манчестер Сити"да 135 та ва "Шальке"да 57 та).