«Манчестер Юнайтед»нинг собиқ футболчиси Димитар Бербатов инглиз клубининг «Атлетико» ҳужумчиси Антуан Гризманнга қизиқиши ҳақидаги маълумотларга жавоб берди.

Олдинроқ «Манчестер Юнайтед» франциялик футболчини испан клубидан 25 миллион евро эвазига сотиб олмоқчилиги ҳақида хабар берилганди.

Бироқ кейинроқ Гризманннинг жамоани ўзгартиришни истамагани ҳақида маълумотлар пайдо бўлди.

«Агар Гризманн келса, Хёйлунд билан нима қилишимиз керак? Кейин у ўйнайдими? Агар жавоб йўқ бўлса, нега уни сотиб олдингиз? «Манчестер Юнайтед» Гризманни сотиб олади деб ўйламайман», - дея Бербатовдан иқтибос келтиради Football365.