90 min портали энг қийин Рождество тақвимига эга Англия Премьер-лигаси клубларини аниқлади. Гап декабрь ойининг сўнгги ўн кунлиги ҳақида кетяпти, унда жамоалар бир неча кун ичида учта ўйин ўтказишга мажбур бўлади.

Рақибнинг турнир жадвалидаги ўрни ва жамоанинг сафар ўйинлари учун босиб ўтадиган масофаси баҳоланди.

«Эвертон» ва «Вест Хэм» энг қийин тақвимга эга. Сабр-тоқатли «ирисчилар» «Тоттенхэм», «Манчестер Сити» ва «Вулверхэмптон» билан ўйнайди. Ўртача ҳисобда уларнинг рақиблари турнир жадвалида олтинчи ўринни эгаллаб турибди.

«Болғачилар»нинг рақиблари ҳам ўртача олтинчи ўринда. Лондонликлар ўз майдонида «Манчестер Юнайтед» ва «Брайтон»ни қабул қилса, сафарда «Арсенал» билан ўйнайди.