"Манчестер Юнайтед"нинг икки ҳужумкор ўйинчиси Расмус Хёйлунд ва Антони жароҳатидан тузалиб, "қизил иблислар" умумий гуруҳ машғулотларига қайтишди.
Эслатиб ўтамиз, Хёйлунд манкунианликларнинг "Эвертон"га қарши сўнгги ўйинини АПЛ доирасидаги "Лутон Таун" (1:0) билан ўйинда мушакларидан олган жароҳати туфайли ўтказиб юборганди. Антони ҳам кичик жароҳат олган, аммо бразилиялик ҳозир соғ-саломат.
"Манчестер Юнайтед" эртага, 29 ноябрь куни Чемпионлар лигаси доирасида Истанбулда сафарда "Галатасарой"га қарши қийин ўйин ўтказади. Ҳозирча британияликлар “А” гуруҳида уч очко билан тўртинчи ўринни эгаллаб турган бўлса, Истанбул жамоаси ва “Копенгаген”да 4 очко бор.
